ظالم زمیندار نے محنت کش پر ظلم کی تاریخ رقم کردی

بہاولنگر (تحصیل رپورٹر)جہاں ظلم وہاں خبریںاپنی روایت برقرار رکھتے ہوئے خبریں کی ٹیم نواحی علاقہ بیروالا پہنچی جہاں انسانیت کی تذلیل کرتے ہوئے بااثر ویڑہ زمیندار نے محنت کش پر اپنے ڈیرہ میں لے جا کر وحشیانہ تشدد کیا۔بااثر افراد تشدد کے بعد پانی مانگنے  پرجانوروں کا پیشاب پلانے کی کوشش کرتے رہے۔محنت کش کی حالت غیر ہونے پر ملزمان سڑک کنارے چھوڑ کر فرار ہوگئے۔روزنامہ خبریں ٹیم کی نشاندہی پر   ایس ایچ او تھانہ صدر پولیس نے مقدمہ درج کر لیا۔بااثر زمینداروں کی جانب سے متاثرہ خاندان کو جان سے مارنے کی دھمکیاں۔مظلوم خاندان کا وزیر اعلی پنجاب اور آئی جی پنجاب پولیس سے اس انسانیت سوز واقع کا نوٹس لے کر ملزمان کو کیفر کردار تک پہنچانے کا مطالبہ۔تفصیلات کے مطابق بہاولنگر تھانہ صد ر کے علاقہ بیر والا میں بااثر زمینداروں احمد علی،سعید محمد علی ،کلیم اللہ ،محمد محمد حنیف ،عبدالقادر وغیرہ نے انسانیت کی تذلیل کی انتہا کر دہی۔ادھار کی رقم کی واپسی کا مطالبہ کرنے پر بااثر زمینداروں نے محنت کش کو اپنے ڈیرہ پر لیجا کر وحشیانہ تشدد کا نشانہ بنایا۔اور تشدد کی دوران پانی مانگنے پر جانوروں کا پیشاب پلانے کی کوشش کرتے رہے۔علاقہ کے بااثر افراد احمد علی وغیرہ نےغریب  محنت کش شہباز پر انسانیت سوز تشدد کیا حالت غیر ہونے پر بے ہوشی کی حالت میں سڑک کنارے چھوڑ کر فرار ہو گئے۔محنت کش محمد شہباز کو تشویش ناک حالت میں ڈسٹرکٹ ہیڈ کوارٹر ہسپتال منتقل کر دیا گیا ہے۔جہاں پر اسکو طبی امداد دی جا رہی سرجن ڈاکٹر عثمان نے خبریں کی ٹیم کو بتایا کہ محنت کش محمد شہباز کا وارڈ میں داخل کر کے علاج کیا جا رہا ہے غریب محنت کش محنت کش کے ورثانے روزنامہ خبریں ٹیم سے گفتگو کرتے ہوئے بتایاکہ محمد شہباز اپنے کریانہ کی رقم واپس لینے کے لئے گیا تو بااثر افراد اپنے ڈیرہ پر گئے اور وحشیانہ تشدد کا نشانہ بنایا۔اب ان بااثر زمینداروں کی جانب سے کاروائی نہ کرنے کے لئے جان سے مارنے کی دھمکیاں دی جارہی ہیں۔ متاثرہ خاندان نے وزیر اعلیٰ پنجاب اور آئی جی پنجاب پولیس سے مطالبہ کیا ہے کہ علاقہ میں دہشت کی علامت بننے والے بااثر افراد کے خلاف سخت قانونی کاروائی کرکے ان کو کیفر کردار تک پہنچایا جائے۔