نواز کی ہسپتال منتقلی ،ڈیل ہوگئی یاہونیوالی ہے؟اعتزازاحسن کا تہلکہ خیز انکشاف

اسلام آباد(مانیٹرنگ ڈیسک) پیپلز پارٹی رہنما اعتزاز احسن نے کہا ہے کہ نوازشریف ڈیل کے بغیر نہیں آ سکتا، ہسپتال منتقلی بھی ڈیل کا نتیجہ ہو سکتا ہے۔ سابق وزیراعظم میں ہمت نہیں کہ وہ جیل میں رہیں۔ نجی ٹی وی پروگرام یں انہوں نے کہا کہ نوازشریف ماضی میں بھی معاہدے کر کے باہر جا چکے ہیں۔ انکو پتہ ہے وہ اپنے کیس میں کمزور ہیں۔ نواز شریف بزنس مین ہیں۔ انہوں نے عالمی سٹیبلشمنٹ کو ضرور کچھ دیا ہو گا۔ انہوں نے مزید کہا کہ پیپلز پارٹی نے اپوزیشن میں بیٹھنے کافیصلہ کیا ہے۔ عمران خان کا الیکشن جیت جانا متوقع تھا۔ سب سے پہلے عمران خان کو ٹف ٹائم اپنے اتحادیوں کی طرف سے ملے گا۔ پی ٹی آئی ایوان میں ضرور آئیگی لیکن قانون پاس نہیں کر سکے گی۔ انہوں نے کہا کہ نوازلیگ کا جب مفاد فتح ہو جاتا ہے تو گلے پڑتی ہے۔ ہم الیکشن کانتیجہ قبول نہیں کرتے لیکن پارلیمنٹ کاحصہ بنیں گے۔