کردار سے مطمئن ہوکر ہی فلم سائن کرتی ہوں:نیلم منیر

لاہور(شوبز ڈیسک)اداکار ہ و ماڈل نیلم منیرنے کہا ہے کہ ٹی وی کی طرح پردہ سکرین پر بھی مختلف کردار کرنا ہی پسند کروں گی، فلم انڈسٹری نئے دور میں داخل ہوچکی ہے اپنے کردار سے مکمل مطمئن ہونے کے بعد ہی فلم سائن کرتی ہوں۔ اپنے ایک انٹر ویو میں نیلم منیر نے کہا کہ پاکستان میں اب اچھی اورمعیاری فلمیں بننے لگی ہیں اسی لیے فیشن اور ٹی وی کے نامور سٹارز بھی کام کر رہے ہیں ماضی میں بننے والی فلموں میں روایتی ہیرو اور ہیروئن کے مخصوص کردار ہی ہوا کرتے تھے جس میں ہیروئن کا کردار چند گانوں اور ہیرو کو منانے تک محدود ہوا کرتا تھا، مگر اب ایسا نہیں ہے۔ اس وقت کامیڈی، میوزیکل، رومانٹک، ایکشن اور تھرلر سمیت ہر مزاج کی فلمیں بن رہی ہیں۔