اللہ نے آپ کو وہ لیڈر دیا جو آپ کا خیال بھی رکھے گا: بشری بی بی

لاہور (مانیٹرنگ ڈیسک) تحریک انصاف کی عام انتخابات میں فتح کے بعد ہر جانب سے چیئرمین پی ٹی آئی کو مبارکبادیں ملنے کا سلسلہ جاری ہے جبکہ عمران خان قوم سے جیت کے بعد پہلا خطاب بھی کر چکے ہیں مگر سب کی نظریں ان کی اہلیہ اور متوقع خاتون اول بشری بی بی پر تھیں کہ وہ کب اور کیا پیغام جاری کریں گی؟ یہ انتظار بالآخر ختم ہو گیا ہے کیونکہ متوقع خاتون اول بشری بی بی نے قوم کیلئے پہلا پیغام جاری کر دیا ہے جس میں انہوں نے عوام کو سلام اور مبارکباد پیش کی ہے۔ عمران خان کی اہلیہ بشری بی بی نے اپنے پیغام میں کہا ہے کہ مظلوم عورتوں، بیواﺅں، یتیموں اور بے سہارا لوگوں کو سلام میں سب کو مبارکباد پیش کرتی ہوں اللہ نے آپ کو وہ لیڈر دیا ہے جو آپ خیال بھی رکھے گا اور آپ کی حفاظت بھی کرے گا۔