پاکستان میں معروف اداکارائیں ویسے تو سب کی توجہ خوب سمیٹ ہی لیتی ہیں، تاہم ان دنوں اداکارہ علیزے شاہ اپنے منفرد کورین انداز کی بدولت سوشل میڈیا صارفین کی توجہ کا مرکز بنی ہوئی ہیں۔
حال ہی میں اداکارہ کی تصاویر سوشل میڈیا صارفین کی توجہ سمیٹ رہی ہے، جس میں علیزے شاہ کورین انداز اپنائے ہوئے ہیں۔
کورین ڈرامے اور میوزک جس طرح جنوبی ایشیائی ممالک میں اپنی گھات بٹھا رہا ہے، اسی طرح اب پاکستانی اداکار بھی کورین روپ میں دلچسپی کا باعث بن رہے ہیں۔
اداکارہ علیزے شاہ نے اپنے بالوں کا انداز بھی کورین اداکاراؤں اور گلوکاراؤں کی طرح اپنایا ہوا ہے، جبکہ آنکھیں بھی کورین اداکاراؤں کی ہی طرح دکھائی دے رہی ہیں۔
پہلی نظر میں کوئی بھی یہی گمان کرے گا کہ یہ کوئی کورین اداکارہ ہیں، تاہم دراصل یہ پاکستانی اداکارہ ہی ہیں۔
صارفین نے اس حوالے سے دلچسپ تاثرات کا اظہار کیا ہے، کوئی اداکارہ کو کورین اداکاراؤں سے مشابہت دے رہا ہے، تو کوئی پلاسٹک سرجری کا کمال بتا رہا ہے۔
ایک صارف نے لکھا کہ انہیں کورین بیوٹی سے محبت ہے۔
جبکہ ایک صارف نے لکھا کہ آپ ہو بہو کورین لڑکیوں جیسی لگ رہی ہیں۔
تاہم ایک صارف اداکارہ کو پہچان ہی نہ سکا، اور کہا کہ یہ کون ہیں؟ جبکہ ایک صارف نے کہہ دیا کہ ایسا لگ رہا ہے فیک پلاسٹک چہرا۔
ایک صارف نے اداکارہ کی خوبصورتی سے متعلق کہنا تھا کہ، ان کا کہنا تھا کہ بھولا پن اور خوبصورتی پہلے والی علیزے شاہ میں تھیں۔
