تازہ تر ین

پی ایس ایل 9 کا سلطان ملتان بنے گا یا پھر اسلام آباد یونائیٹڈ چیمپئن بنے گی، فائنل معرکہ آج ہوگا

پاکستان سپر لیگ سیزن 9 کا سلطان ملتان بنے گا یا پھر اسلام آباد یونائیٹڈ چیمپئن بنے گی، فائنل معرکہ آج ہوگا۔

پی ایس ایل 9 کا فائنل آج ملتان سلطانز اور اسلام آباد یونائیٹڈ کے درمیان کراچی کے نیشنل اسٹیڈیم میں کھیلا جائے گا۔

میچ کا آغاز رات 9 بجے ہوگا جب کہ ٹاس 8:30 بجے کیا جائے گا۔

فائنل معرکہ کیلئے انتظامات کو حتمی شکل دے دی گئی ہے۔

یاد رہے کہ ہفتے کو اسلام آباد یونائیٹڈ کی ٹیم پی ایس ایل نائن کے ایلیمنیٹر ٹو میں پشاور زلمی کو پانچ وکٹوں سے شکست دیکر فائنل میں پہنچی تھی۔

اس میچ میں عماد وسیم اور حیدر علی نے اپنی ٹیم کی فتح میں اہم کردار ادا کیا تھا۔

عماد وسیم نے 59 رنز اور حیدر علی نے پانچ چھکوں کی مدد سے 52 رنز بنائے تھے۔

ایلیمنیٹر ٹو میں عماد وسیم اور حیدر علی کے درمیان 98 رنز کی شراکت ہوئی تھی، دونوں کھلاڑی ناقابل شکست رہے تھے۔

اسلام آباد یونائیٹڈ سے قبل ملتان سلطانز پہلے ہی فائنل میں جگہ بنا چکی تھی۔

فائنل سے ایک روز قبل ملتان سلطانز کے کپتان محمد رضوان اور اسلام آباد یونائیٹڈ کے کپتان شاداب خان نے ٹرافی کے ساتھ تصاویر بھی بنوائی تھیں۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv