بھارتی اداکار گووندا اور کامیڈین کرشنا گھریلو جھگڑے کے باعث کافی عرصے سے ایک دوسرے سے ناراض ہیں۔
ایک عرصے تک بالی ووڈ پر راج کرنے والے اداکار گووندا ان دنوں اپنے بھانجے اور کامیڈین کرشنا کی وجہ سے پریشان دکھائی دیتے ہیں۔
اس ایک وجہ یہ بھی ہے کہ دونوں کے درمیان گھریلو جھگڑا اس حد تک بڑھ گیا کہ اب یہ میڈیا اور سوشل میڈیا کی توجہ خوب سمیٹ رہا تھا۔
میڈیا رپورٹس کے مطابق گووندا اور کرشنا کے درمیان تلخی کی ایک بڑی وجہ دونوں کی بیگمات ہیں۔ گووندا کی اہلیہ سنیتا آہوجا نے ایک انٹرویو میں اس بات کا اظہار کھل کر کیا تھا کہ میں کرشنا کی شکل بھی نہیں دیکھنا چاہتی ہوں، اسی دوران گووندا اہلیہ کا غصہ ٹھنڈا کرنے کی کوشش کرتے رہے۔
عام طور پر گووندا ٹھنڈے مزاج کے اداکار ہیں، جبکہ ان کی اہلیہ اس حد تک جذباتی ہیں کہ کرشنا اور ان کی اہلیہ کشمیرا کو میڈیا کے سامنے تنقید کا نشانہ بنایا تھا۔
اداکار گووندا کی اہلیہ کا موقف ہے کہ کشمیرا انہیں طعنہ دیتی تھی کہ گووندا پیسے کے لیے ناچتا ہے، ساتھ ہی سنتیا آہوجا نے کرشنا کی اہلیہ پر ناروا سلوک کا بھی الزام عائد کیا۔
بھارتی میڈیا کو دیے گئے انٹرویو میں سنیتا آہوجا کا کہنا تھا کہ یہ کبھی نہیں ہو سکتا، کچھ سال پہلے میں نے کہا تھا کہ میرے رہتے یہ مسئلہ حل نہپں ہونے نہیں دوں گی۔ آپ کسی کے ساتھ بدتمیزی، نارواسلوک نہیں کر سکتے۔
اس سب میں گووندا کو جس بات نے افسردہ کیا وہ یہ تھی کہ مزاحیہ پروگرام کے دوران کرشنا نے کہا تھا کہ میں نے گووندا کو اپنا ماما رکھا ہے۔ اگرچہ اس پر کرشنا نے وضاحت دی، تاہم اس وقت تک بہت دیر ہو گئی تھی۔
اب جا کر دونوں فیملیز کے درمیان معاملات بحال ہونے کی اطلاعات ہیں، لیکن اس سب کے باوجود سنیتا آہوجا اور کشمیرا کو ایک ساتھ نہیں دیکھا گیا ہے۔
