شمالی وزیرستان کے مستقبل کو سنوارنے کے لیے پاک فوج کی بے لوث خدمات کا سلسلہ جاری ہے۔
شمالی وزیرستان کی تحصیل سپین وام میں طلباء و طالبات نے پاک فوج کے ساتھ ایک دن گزار، اس موقع پر پاک فوج کی جانب سے طلباء و طالبات کا شاندار استقبال کیا گیا۔
اقدام کا مقصد شمالی وزیرستان کے طلباء و طالبات کو پاک فوج کی روزمرہ زندگی، جدید ساز و سامان اور قیام امن کے لیے دی جانے والی قربانیوں سے آگاہ کرنا تھا۔
طلباء و طالبات نے شہداء کو خراج تحسین پیش کرنے کے لیے یادگار شہداء پر پھول چڑھائے۔
اس موقع پر طلباء نے یک زبان ہو کر پاک فوج کے ساتھ مل کر اونچی آواز میں قومی ترانہ پڑھا۔ ننھے طلباء و طالبات فوجی ساز و سامان دیکھ کر خوب محظوظ ہوئے اور پاک فوج میں شمولیت کا ارادہ کیا۔
طلباء و طالبات کی تفریح کے لیے مختلف کھیلوں اور فن گیمز کا بھی اہتمام کیا گیا۔
اس موقع پر طلباء و طالبات نے پاک فوج کا بھرپور شکریہ ادا کیا اور مستقبل میں بھی پاک فوج کے ساتھ یاد گار دن گزارنے کی خواہش کا اظہار کیا۔
