سابق وزیرِ اعلیٰ پنجاب شہباز شریف آج فیض آباد دھرنا کمیشن آج پیش نہیں ہوں گے۔
دھرنا کمیشن نے شہباز شریف کو بیان ریکارڈ کرانے کیلئے آج بلا رکھا تھا، تاہم، ذرائع کا کہنا ہے کہ شہباز شریف وکیل کے ذریعے اپنا بیان کمیشن کو بھجوائیں گے۔
سابق ڈی جی آئی ایس آئی فیض حمید بھی کمیشن میں پیش نہ ہو سکے۔
وزارت قانون میں کمیشن اپنی کارروائی مکمل کر رہا ہے۔
سپریم کورٹ کے احکامات پر وزارت قانون کے نوٹیفکیشن پر کمیشن تشکیل پایا تھا، کمیشن نے ابھی تک متعدد افراد کے بیانات ریکارڈ کیے ہیں۔
تحریک لبیک کے فیض آباد دھرنے کے موقع پر پنجاب میں شہباز شریف وزیراعلیٰ تھے۔
خیال رہے کہ انکوائری کمیشن نے سپریم کورٹ میں اپنی رپورٹ 22 جنوری کو جمع کرانی ہے۔
اس سے قبل کمیشن سابق وزیر احسن اقبال، سابق وزیراعظم شاہد خاقان عباسی کو بھی طلب کرچکا ہے۔
