بالی ووڈ کے دبنگ اسٹار اور جاسوس ایجنٹ سلمان خان نے پھٹے ہوئے جوتے پہن کر تقریب میں شرکت کی جس کی تصویر سوشل میڈیا پر زیرِ گردش ہے۔
سلمان خان اپنی حال ہی میں ریلیز ہونے والی میگا تھرلر ایکشن فلم “ٹائیگر 3″ کی شاندار کامیابی پر کافی خوش ہیں کیونکہ اُن کی اس فلم نے مجموعی طور پر 400 کروڑ سے زیادہ کا بزنس کرلیا ہے۔
“ٹائیگر 3″ کی ریلیز کے بعد سلمان خان کو اُن کی بھانجی علیزے اگنی ہوتری کی ڈیبیو فلم ’فرّے‘ کے پریمیئر کی تقریب میں دیکھا گیا ہے، یہ تقریب 22 نومبر بدھ کی رات منعقد کی گئی تھی۔
اس تقریب کی ایک تصویر سوشل میڈیا پر وائرل ہورہی ہے جس میں سلمان خان کو “ٹائیگر 3″ کی اپنی ساتھی اداکارہ کترینہ کیف اور ایک دوسری خاتون کے ساتھ بینچ پر بیٹھے دیکھا جاسکتا ہے۔
سلمان خان نے تقریب میں سیاہ پینٹ اور شرٹ زیب تن کی جس کے ساتھ اُنہوں نے سیاہ چمڑے کے جوتے پہن رکھے تھے، جوتوں کے آگے سے چمڑا اُکھڑیا ہوا تھا اور ایک طرف سے جوتے پھٹے ہوئے تھے۔
یہ تصویر جیسے ہی سوشل میڈیا پر وائرل ہوئی تو سلمان خان کے پُرانے اور پھٹے ہوئے جوتے مداحوں کی توجہ کا مرکز بن گئے جبکہ دبنگ اسٹار کے یہ جوتے پہننے کی اصل وجہ سامنے نہیں آسکی۔
سلمان خان کے پُرانے اور پھٹے ہوئے جوتوں پر مداحوں کا ردعمل:
واضح رہے کہ “ٹائیگر 3″ کو رواں ماہ دیوالی کے موقع پر ریلیز کیا گیا تھا، فلم تین زبانوں ہندی، تامل اور تیلگو میں ریلیز ہوئی۔
فلم میں جہاں سلمان خان نے جاسوس ایجنٹ کا کردار ادا کیا ہے تو وہیں کترینہ کیف بھی زویا نامی جاسوس کے کردار میں نظر آئیں جبکہ عمران ہاشمی نے فلم میں وِلن کا کردار نبھایا ہے۔
