نگراں وزیرخزانہ کی زیر صدارت اقتصادی رابطہ کمیٹی کا اجلاس آج ہوگا، جس میں 262 ادویات کی ریٹیل قیمتوں میں اضافے کی سمری پرغور کیا جائے گا۔
نگراں وزیر خزانہ کی زیر صدارت اقتصادی رابطہ کمیٹی کا اجلاس آج ہوگا، جس میں 5 نکاتی ایجنڈا زیرغور آئے گا۔
ذرائع کے مطابق ای سی سی 262 ادویات کی ریٹیل قیمتوں میں اضافے کی سمری پرغور کرے گی، جب کہ ربیع سیزن 2023 کیلئے یوریا کھاد کی درآمد کی سمری بھی زیرغور لائے گی۔
ذرائع نے بتایا کہ اجلاس میں سندھ اور پنجاب کیلئے جولائی تا ستمبر 2023 کیش کریڈٹ کی سمری پیش کی جائے گی، جھل مگسی میں تیل و گیس کی تلاش کیلئے مارجنل پالیسی پرائسنگ مراعات دینے پرغور ہو گا، جب کہ نادرا کیلئے حکومت کی ری لینڈنگ پالیسی میں رعایت کرنے کی سمری بھی ایجنڈے میں شامل ہے۔
