فیفا ورلڈکپ 2026 کوالیفائر راؤنڈ 2 میں پاکستان اور سعودی عرب فٹبال ٹیموں کے درمیان میچ آج کھیلا جائے گا۔
سعودی شہر العسا کے الفتح اسٹیڈیم پر کھیلے جانے والے میچ کی تیاریاں مکمل کرلی گئی ہیں، پاکستان فٹبال ٹیم کے غیر ملکی ہیڈ کوچ نے میزبان سعودی ٹیم کو مضبوط ترین قرار دیتے ہوئے اعتراف کیا ہے کہ میچ کے امکانات پاکستان کےحق میں نہیں۔
میچ سے قبل پریس کانفرنس میں پاکستان فٹبال ٹیم کے ہیڈ کوچ اسٹیفن کانسٹنٹائن نے اظہار خیال کرتے ہوئے کہا تھا کہ پاکستان فٹبال ٹیم تعمیری مراحل سے گزر رہی ہے، پاکستان بدقسمتی سے کافی مدت سے انٹرنیشنل مقابلوں میں شریک نہیں ہو سکا، ماضی کے مقابلے میں قومی ٹیم میں بہتری آئی ہے، آگے چل کر یہ مزید اچھی ٹیم بن جائے گی۔