انسدادِ دہشت گردی عدالت لاہور نے اشتعال انگیز گفتگو کرنے کے مقدمے میں مریم اورنگزیب اور جاوید لطیف کی حاضری معافی کی درخواست مسترد کردی۔
عدالت نے دیگر شریک ملزمان کی حاضری مکمل کرتے ہوئے سماعت 25 نومبر تک ملتوی کردی ہے۔
عدالت نے مریم اورنگزیب کے ضمانتی مچلکے بھی مسترد کر دیے، جبکہ دیگرشریک ملزمان کی حاضری مکمل ہوگئی ہے۔
ڈیوٹی جج انسداد دہشت گردی عدالت ارشد جاوید نے کیس کی سماعت کی، جس کا مقدمہ تھانہ گرین ٹاؤن پولیس نے درج کررکھا ہے۔