ٹائم آؤٹ تنازعہ کھیلوں کی دنیا میں ایک بڑی خبر بن گیا ہے اور ایسا ہونے کی کافی وجوہات ہیں۔
انٹرنینشل کرکٹ کی 146ویں سال کی تاریخ میں پہلی ابر ایسا ہوا ہے جب کسی کھلاڑی کو ٹائم آؤٹ ہونے کی وجہ سے آؤٹ قرار دیا گیا ہو اور یہ ناپسندیدہ اعزاز سری لنکن اسٹار کھلاڑی انجلومیتھیوز نے بنگلا دیش کے خلاف ورلڈ کپ میچ میں اپنے نام کیا ہے۔
کرکٹ ورلڈ کپ کے قواعد کے مطابق ٹی وی امپائر کسی بھی کھلاڑی کو تیار ہو کر کریس پر پہنچ کر پہلی گیند کا سامنا کرنے کے لئے دو منٹ کا وقت دیتا ہے تاہم انجلو میتھیوز ہیلمٹ کی خرابی کے باعث ایسا کرنے میں ناکام ہوئے جس پر مخلاف ٹیم کے کپتان شکیب الحسن کی اپیل پر فیلڈ امپائر نے میتھیوز کو ٹائم آؤٹ قرار دیا۔
انجلو میتھیوز کو اس طرح آؤٹ قرار دینے کے بعد سوشل میڈیا پر نئی بحث چھڑ گئی ہے جب کہ سری لنکن کھلاڑی نے بھی امپائر کے اس کے فیصلے کو غلط قرار دیا تھا، اس کے علاوہ آسٹریلوی کھلاڑی عثمان خواجہ اور سابق بھارتی کرکٹر گوتم گمبھیر نے اس ٹائم آؤٹ کو افسوسناک قرار دیا۔
اب انگلینڈ بمقابلہ نیدرلینڈز کرکٹ ورلڈ کپ میچ کے دوران بھی ایک دلچسپ واقعہ پیش آیا جو سوشل میڈیا کی زینت بنا ہوا ہے۔
ایکس پر کی گئی ٹویٹ کے مطابق انگلینڈ کرکٹ اسٹار کرس ووکس نے اپنے ہیلمٹ میں کچھ مسائل کا سامنا تھا جو انہوں نے فیلڈ امپائر کو دکھایا تاکہ ٹائم آؤٹ نہ ہو جائے۔
اس سوشل میڈیا پوسٹ کے جواب میں ایک صارف نے لکھا کہ ہر جگہ شکیب الحسن کا خوف ہے تو دوسرے کا کہنا تھا کہ ’انجلو میتھیوز دیکھ رہے ہیں‘۔
ایک اور صارف نے ایکس پر ایک میم کی صورت میں بھارتی فلم شیئر کا ڈائیلاگ شیئر کرت ہوئے کہا کہ کرس ووکس نیدرلینڈز کے خلاف کہتے ہیں کہ ’بالکل رکس نہیں لینے کا‘۔
