لاہور آج دنیا کے آلودہ ترین شہروں کی فہرست میں دوسرے نمبر پر ہے۔
ایئر کوالٹی انڈیکس کے مطابق لاہور کی فضا خطرناک حد تک مضرِ صحت ہے۔
لاہور کی فضا میں آلودگی 313 پرٹیکیولیٹ میٹر ریکارڈ کی گئی ہے۔
پاکستان کا سب سے بڑا شہر، معاشی حب کراچی آلودہ ترین شہروں کی فہرست میں چوتھے نمبر پر ہے.
کراچی کی فضا میں آلودگی 171 پرٹیکیولیٹ میٹر ریکارڈ کی گئی۔
دنیا کے آلودہ ترین شہروں میں پڑوسی ملک بھارت کا دارالحکومت دہلی پہلے نمبر پر ہے جہاں فضائی آلودگی 347 پرٹیکیولیٹ ریکارڈ ہوئی ہے۔
ایئر کوالٹی انڈیکس کے مطابق 151 سے 200 درجے تک آلودگی مضرِ صحت، 201 سے 300 درجے تک انتہائی مضرِ صحت ہے جبکہ 301 سے زائد درجہ خطرناک آلودگی کو ظاہر کرتا ہے
