معروف ہالی ووڈ‌ اداکارجیسن سٹیتھم نے اپنی گاڑی پرفلسطینی پرچم لگا لیا

امریکا: ہالی ووڈ کے معروف اداکار جیسن سٹیتھم نے اپنی گاڑی پر فلسطینی پرچم لگاکر اسرائیل کی غزہ پر جاری دہشتگردی کی مخالفت کردی۔
فلسطینی حریت پسند تنظیم حماس کے اسرائیل پر تاریخی اور حیران کن حملے کے بعد سے اسرائیلی افواج کی غزہ پر بمباری جاری ہے، اسرائیلی افواج بلاامتیاز رہائشی عمارتوں، اسپتالوں، مساجد، خواتین اور بچوں کو بھی نشانہ بنارہی ہیں جس کے سبب ہلاکتوں کی تعداد بڑھتی جارہی ہے۔
حماس کے حملوں کے بعد پاکستان سمیت دنیا بھر کے نامور فنکار اور مشہور شخصیات فلسطین کے حق میں اپنی آواز بُلند کرتے نظر آرہے ہیں اور فوری طور پر جنگ بندی کا مطالبہ بھی کررہے ہیں۔