لاہور: سوئی ناردرن کے تحت پنجاب، خیبر پختونخوا اور اسلام آباد کے مختلف علاقوں میں گیس چوری کیخلاف جاری کریک ڈاؤن کے دوران مزید 188گیس کنکشن منقطع کر دیے، 277 انڈر بلنگ کیسز پروسیسڈ کیے گئے۔
گیس چوری میں ملوث افراد پر 80لاکھ سے زائد کے جرمانے عائد کردیے گئے ہیں، لاہور ریجن نے ڈوبن پورہ، سبزہ زار کے علاقے سے گلی میں 300 فٹ بچھائی گئی فیک لائین پکڑ لی، جس کو گیس مین لائن سے منسلک کرکے گیس چوری کا منصوبہ تھا جسے بروقت کارروائی کرکے ناکام بنا دیا گیا۔ گیس چوروں کے خلاف متعلقہ تھانے میں کارروائی کا آغاز کر دیا گیا ہے۔
لاہور میں ہی گیس کے غیر قانونی استعمال پر 10گھریلو کنiکشن اور کمپریسر کے استعمال پر 09 کنکشن منقطع کیے گئے جبکہ40 انڈر بلنگ کیسز پروسیس کiے گئے اور 10لاکھ روپے کے جرمانے بھی عائد کیے گئے۔
