کراچی: پاکستان کسٹمز انفورسمنٹ کراچی نے انسداد اسمگلنگ مہم کے تحت موچکو چیک پوسٹ پرکارروائی کے دوران غیرملکی سگریٹس کی بڑی مقدار کے ساتھ دیگر اسمگل شدہ اشیا کی کراچی ترسیل کرنے کی کوشش کو ناکام بنادیا ہے۔
کسٹمز اینٹی اسمگلنگ آرگنائزیشن کو اطلاع موصول ہوئی تھی کہ کوئٹہ سے بھاری مقدار میں اسمگل شدہ اشیا کو کراچی پہنچانے کی کوشش کی جائے گی جس پر کلکٹر انفورسمنٹ باسط مقصود عباسی نے اسسٹنٹ کلکٹر امان صادق کی سربراہی میں خصوصی ٹیم تشکیل دی اور آر سی ڈی ہائیوے کے مختلف حصوں میں سادہ لباس اہلکار تعینات کیے گئے جنھوں نے کوئٹہ سے آنے والی بسوں ٹرکوں اور ٹرالرز کی سخت نگرانی کی۔
گزشتہ شام حکام کو کوئٹہ سے آنیوالی بس مشکوک نظر آئی کیونکہ اس بس پر اے ایف آر 2023 کی نمبر پلیٹ لگی ہوئی حکام نے اس بس کو روک جب اس میں بنے ہوئے خفیہ خانوں کی تلاشی لی تو بس سے مجموعی طور پر 4 کروڑ 16 لاکھ مالیت کی اسمگل شدہ برآمد ہوئیں،
برآمد ہونے والی اشیا میں مختلف غیرملکی برانڈز 22540 پیکٹ سگریٹس، انڈین گٹکے کے 59600 پاؤچز، انڈین نسوار کے 2600 پائوچز اور 2 کلو مضر صحت چھالیہ برآمد کی گئی۔
