لاہور ہائی کورٹ نے سابق وزیراعلیٰ پرویز الٰہی پنجاب کو رہا کرنے کا حکم دے دیا۔
قومی احتساب بیورو (نیب) نے سابق وزیراعلیٰ پنجاب پرویز الٰہی کو لاہور ہائی کورٹ میں پیش کیا جس کے بعد عدالت نے استفسار کیا کہ آپ نے عدالت کو بتایا تھا کے انٹرا کورٹ اپیل خارج ہو گئی تھی۔
عدالت نے پرویز الٰہی کو رہا کرنے کا حکم دیتے ہوئے انہیں کسی بھی مقدمے میں گرفتار نہ کرنے کا بھی حکم دیا ہے۔
قبل ازیں لاہورہائیکورٹ نے پرویزالٰہی کی نیب گرفتاری کے خلاف درخواست پر سماعت کے دوران نیب کو ایک گھنٹے میں سابق وزیراعلیٰ کو پیش کرنے کا حکم دیا تھا۔
گرفتاری کے خلاف پرویز الٰہی کی درخواست پر سماعت جسٹس امجد رفیق نے کی، عدالت نے ڈی سی کو طلب کرتے ہوئے کیس کی سماعت 11 بجے تک ملتوی کردی گئی تھی جس کا دوبارہ آغاز ہوتے ہی عدالت نے پرویز الٰہی کی رہائی کا حکم دیا۔
