آئی ایم ایف کےقرضوں کے حصول پر دھمال ڈالنے والوں کو شرمندہ ہونا چاہیے،سابق وفاقی وزیر داخلہ شیخ رشید احمد

لاہور(نیوز ڈیسک ) سابق وفاقی وزیر داخلہ شیخ رشید نے ٹوئٹ میں حکومت کو آڑے ہاتھوں لے لیا، ان کا کہنا تھا کہ آئی ایم ایف کےقرضوں کے حصول پر دھمال ڈالنے والوں کو شرمندہ ہونا چاہیے اور شرم آنی چاہیے قرضہ لینا کمال نہیں زوال ہے جو غریب نے ادا کرنا ہے یہ لمحہ فخر نہیں لمحہ فکر ہے غریب پہلے ہی مرا ہوا ہے اُس كےگلے میں مزید300 ارب روپے كےٹیکس کا رسہ ڈال دیا گیاہے .آج شاہی خاندان نے صدر کے دستخط کے بغیر ہی اپنے 2400 ارب روپے کے نیب كے کیسز ختم کرالیے اگر یہ لندن دبئی سےاپنے بینک بیلنس جائیدادیں ملک میں لے آئیں تو غریب کے کچھ مسئلے حل ہو جائیں اور غریب کو یونان كے سمندروں میں نہ ڈُوبناپڑے نہ ان میں اہلیت ہے نہ صلاحیت ہے حکم کے غلام ہیں بیساکھیوں پر چل رہے ہیں چاپلوسیوں مالشیوں اور پالشیوں کو اسی لیے لایا گیا ہے کہ ہر جائز ناجائز فیصلے پر سر تسلیم خم کریں حالات بد سے بدتر ہوتے جارہے ہیں نفرتیں بڑھتی جارہی ہیں جس کی انہیں پروا نہیں غریب جائے بھاڑ میں قوم جن سے نفرت کرتی ہے انہیں طاقت کا سرچشمہ بنا دیا گیاہے وسائل زده لوگ مسائل زدہ لوگوں کا مذاق اُڑ رہے ہیں مہنگائی بےروزگاری آٹا جن کا مسلہ ہے اُن کا کوئ پرسان حال نہیں 13 جماعتوں کا ہم نوالہ اور ہم پیالہ ٹولہ زمینی حقائق اور اپنے انجام سے بے خبر ہیں ان کی ہر روز عید ہے کیونکہ ان سے کوئی پوچھنے والا نہیں زراعت انڈسٹری ڈیفالٹ ہے عدلیہ بے بس اور بے جان ہے صرف حکمران خوشحال ہے بجٹ غریب کے گھر میں دیکھا اور وزیروں کے چہروں پر پڑھا جاسکتا ہے خدا کے ہاں دیر ہے اندھیر نہیں غریبوں کی آہیں سسکیاں اور چیخیں آسمانوں سے ٹکرا رہی ہیں جن جیلوں میں حکمرانوں کوہونا چاہیے تھا ان جیلوں میں غریب بے گناہ عوام ہے۔