ویسٹ انڈیز کے خلاف ٹیسٹ سیریز کے لئے بھارتی سکواڈ کا اعلان

ممبئی : ( ویب ڈیسک ) بھارت کرکٹ اینڈ کنٹرول بورڈ ( بی سی سی آئی ) کی جانب سے ویسٹ انڈیز کے خلاف ٹیسٹ سیریز کے لئے 16 رکنی سکواڈ کا اعلان کر دیا گیا۔ دونوں ٹیموں کے درمیان دو میچز کی ٹیسٹ سیریز ورلڈ ٹیسٹ چیمپئن شپ 25۔2023 کا حصہ ہوگی، بھارتی ٹیم اپنے دورہ ویسٹ انڈیز کا آغاز 12 جولائی سے ڈومینیکا میں پہلے ٹیسٹ سے کرے گی ، دوسرا ٹیسٹ 20 جولائی کو پورٹ آف سپین کے کوئنز پارک اوول میں شروع ہوگا۔ یشسوی جیسوال، رتوراج گائیکواڈ اور مکیش کمار کو پہلی بار ٹیسٹ سکواڈ میں شامل کیا گیا ہے جبکہ امیش یادو ٹیم میں جگہ بنانے میں ناکام رہے۔ اعلان کردہ سکواڈ میں روہت شرما ( کپتان ) اور اجنکیا رہانے (نائب کپتان)ہیں جبکہ دیگر کھلاڑیوں میں شبمن گل، ویرات کوہلی، رتوراج گائیکواڑ، یشسوی جیسوال، کے ایس بھرت (وکٹ کیپر)، روی چندرن ایشون ، رویندرا جدیجہ ، اکسر پٹیل، شاردول ٹھاکر، محمد سراج، مکیش کمار، جے دیو انادکت، ایشان کشن اور نودیپ سینی شامل ہیں۔