شارجہ : (ویب ڈیسک) متحدہ عرب امارات ( یو اے ای ) اور ویسٹ انڈیز کے درمیان دوسرا ون ڈے آج کھیلا جائے گا۔
دونوں ٹیمیں تین میچوں پر مشتمل سیریز کے دوسرے ایک روزہ بین الاقوامی میچ میں آج شارجہ کرکٹ سٹیدیم ، شارجہ میں مدمقابل ہوں گی۔
ویسٹ انڈیز کو سیریز میں 0-1 کی برتری حاصل ہے، مہمان ٹیم نے پہلے میچ میں امارات کو 7 وکٹوں سے شکست دی تھی۔
خیال رہے کہ ون ڈے سیریز دونوں ٹیموں کی ورلڈ کپ کوالیفائر کی تیاریوں کا حصہ ہے اور سیریز کے تینوں میچز ڈے نائٹ ہیں جبکہ سیریز کے اختتام پر دونوں ٹیمیں کوالیفائنگ ٹورنامنٹ کے لئے زمبابوے روانہ ہوں گی۔
یاد رہے کہ دونوں ٹیموں کے درمیان تین میچوں کی سیریز کا تیسرا اور آخری میچ 9 جون کو شارجہ ہی میں کھیلا جائے گا۔
