پرویز الٰہی کی ممکنہ گرفتاری، پولیس کی بھاری نفری ظہور الٰہی روڈ پہنچ گئی

لاہور:(ویب ڈیسک) پاکستان تحریک انصاف کے صدر اور سابق وزیر اعلیٰ پنجاب چودھری پرویز الٰہی کی ممکنہ گرفتاری کے سلسلہ میں پولیس کی بھاری نفری ظہور الٰہی روڈ پہنچ گئی۔
چودھری پرویز الٰہی کی رہائش گاہ کے داخلی و خارجی راستوں پر پولیس اہلکار تعینات کر دئیے گئے، پرویز الٰہی کے گھر سے کسی کو باہر جانے کی اجازت نہیں دی جا رہی۔
بتایا گیا ہے کہ ایس پی عمارہ شیرازی بھی پولیس نفری کے ساتھ ظہور الٰہی روڈ پر موجود ہیں، چودھری پرویز الٰہی کے وکلا بھی ان کی رہائشگاہ پہنچ گئے ہیں۔