تازہ تر ین

آئندہ بجٹ میں گاڑی مالیت پر ایڈوانس ٹیکس لگنے کا امکان

لاہور: (ویب ڈیسک) آئندہ بجٹ میں گاڑیوں کی رجسٹریشن پر بھی ایڈوانس ٹیکس کی شرح بڑھنے کا امکان ظاہر کیا گیا ہے۔
وفاقی حکومت کی طرف سے ریسورس اینڈ ریونیو موبلائزیشن کمیشن کی سفارش پر بجٹ میں گاڑیوں کی رجسٹریشن پر ایڈوانس ٹیکس کی شرح بڑھانے اور گاڑیوں پر انجن کے بجائے گاڑی کی مالیت پر ایڈوانس ٹیکس عائد کیے جانے کا امکان ہے۔
گاڑیوں کی قیمت کی بنیاد پر نان فائلرز کیلئے ایڈوانس ٹیکس کی شرح 10 سے 35 فیصد تک بڑھانے کی تجویز ہے۔ اس کے علاوہ ٹینکرز کنٹریکٹرز اور ٹرانسپورٹرز پر بھی بتدریج ڈھائی فیصد اور 3 فیصد ایڈوانس ٹیکس عائد کرنے کی تجویز ہے۔
ایف بی آر ذرائع نے بتایا ہے کہ گزشتہ 3 سال سے ایکٹو ٹیکس پیئر لسٹ کارپوریٹ سیکٹر کیلئے ایک کروڑ روپے مالیت تک کی گاڑی پر 2 فیصد اور نان کارپوریٹ سیکٹر کیلئے ایک کروڑ روپے مالیت تک کی گاڑی پر 3 فیصد ایڈوانس ٹیکس کی تجویز زیر غور ہے۔
اسی طرح گزشتہ 3 سال سے ایکٹو پیئر لسٹ میں انفرادی ٹیکس دہندگان کیلئے 1 کروڑ روپے سے 3 کروڑ روپے مالیت تک کی گاڑی پر 4 فیصد اور نان کارپوریٹ سیکٹر کی انفرادی ٹیکس دہندگان کیلئے 1 کروڑ روپے سے 3 کروڑ روپے مالیت تک کی گاڑی پر 5 فیصد ایڈوانس ٹیکس کی تجویز زیر غور ہے۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv