دنیا کی سب سے مہنگی آئس کریم، قیمت صرف 18 لاکھ روپے

ٹوکیو : (ویب ڈیسک) ایک جاپانی کمپنی ایک آئس کریم فروخت کر رہی ہے جسے ‘دنیا کی سب سے مہنگی آئس کریم’ کہا جاتا ہے اور اس کی قیمت گنیز ورلڈ ریکارڈ (جی ڈبلیو آر) کے مطابق 8,73,400 جاپانی ین ( تقریباً 18 لاکھ روپے) ہے۔ جاپانی آئس کریم برانڈ سیلاٹو نے نایاب اجزاء سے تیار کردہ ‘ایک بہت ہی خاص میٹھا’ بنایا ہے جس نے اس کی قیمت کو سب سے زیادہ کردیا ہے۔
جی ڈبلیو آر کے مطابق البا، اٹلی سے آنے والے نایاب سفید ٹرفل جن کی قیمت دو ملین جاپانی ین فی کلوگرام ہے، سمیت دیگر اجزاء اس کی بے حد قیمت کے لیے ذمہ دار ہیں۔ گنیز ورلڈ ریکارڈ ویب سائٹ کے مطابق سیلاٹو کا مقصد صرف مہنگی ترین آئس کریم تیار کرنا نہیں ، انہوں نے یورپی اور جاپانی اجزاء کے امتزاج سے آئس کریم بنانے کی کوشش کی۔ سیلاٹو نے اسے پورا کرنے کے لیے اوساکا کے ایک مشہور فیوژن ریستوراں RiVi کے ہیڈ شیف ٹاڈا یوشی یاماڈا کی خدمات حاصل کیں۔