عبوری ضمانت کیس: عمران خان نے حاضری سے استثنیٰ کی درخواست دائر کردی

اسلام آباد: (ویب ڈیسک) پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کی لیگل ٹیم نےاسلام آباد ہائیکورٹ میں عبوری ضمانت کیس میں حاضری سے استثنیٰ کی درخواست دائر کر دی۔
درخواست میں کہا گیا ہے کہ پاکستان ڈیموکریٹک موومنٹ (پی ڈی ایم) کی جانب سے سپریم کورٹ کے باہر احتجاج کیا گیا ہے، عمران خان کی پیشی کے موقع پر امن و امان کا مسئلہ ہوسکتا ہے۔
درخواست میں استدعا کی گئی ہے کہ کہ عدالتی حکم پر ضمانتوں کیلئے عمران خان متعلقہ فورمز سے رجوع کر رہے ہیں، آج حاضری سے استثنیٰ کی درخواست منظور کی جائے۔
خیال رہے کہ چیئرمین پی ٹی آئی عمران خان نے تھانہ رمنا میں درج مقدمے میں عبوری ضمانت کی درخواست دائر کر رکھی ہے۔