34ویں نیشنل گیمز کے مقابلے جاری، مشعل آج کوئٹہ پہنچےگی

کوئٹہ :(ویب ڈیسک) 34ویں نیشنل گیمز کے مقابلے جاری ہیں ، نیشنل گیمز کی مشعل آج لاہور سے کوئٹہ پہنچے گی۔
34 ویں نیشنل گیمز کی مشعل لاہور سے سہ پہر 3بجکر30 منٹ پر کوئٹہ ایئر پورٹ پہنچے گی ، مشعل سابق اولمپئین اور پاکستان ہاکی ٹیم کے سابق کپتان شکیل عباسی وصول کریں گے ۔
مشعل کو ائیرپورٹ پہنچنے کے بعد ایوب اسٹیدیم پہنچائی جائے گی ، 34 نیشنل گیمز کی مشعل کے سفر کا آغاز کراچی سے ہوا تھا جو اسلام آباد ،پشاور، مظفر آباد اورلاہور سے ہوتی ہوئی کوئٹہ پہنچ رہی ہے ۔
نیشنل گیمزمیں 6ہزار سے زائد کھلاڑی 32مختلف ایونٹس میں اپنی صلاحیتوں کے جوہر دکھا رہے ہیں۔
کھیلوں کے پہلے روز ہاکی کے مقابلے ہوئے جس میں ویمنز ہاکی میں واپڈا نے سندھ کیخلاف آٹھ گول سے کامیابی سمیٹی ، آرمی اور پنجاب کے درمیان مقابلہ چار ۔چارگول سے برابر رہا۔
دوسرے روز بھی مختلف کھیلوں کے مقابلوں کا سلسلہ جاری رہا ، یزدان ہائی سکول میں ویمن فٹبال کے دو مقابلے ہوئے جس میں پہلا مقابلہ بلوچستان ویمن فٹبال کی ٹیم اور پولیس ویمن کے درمیان ہوا۔
ان مقابلوں میں پولیس نے بلوچستان کو صفر کے مقابلے میں تین گول سے شکست دیکر کامیابی حاصل کی جبکہ دوسرے مقابلے میں پاک آرمی نے واپڈا کو دو صفر سے شکست دی۔