وزیر اعظم کی ڈی آئی جی علی ناصر رضوی کی عیادت کیلئے سروسز ہسپتال آمد

لاہور: (ویب ڈیسک) وزیر اعظم شہباز شریف نے سروسز ہسپتال میں ڈی آئی جی علی ناصر رضوی کی عیادت کی۔
یاد رہے کہ ڈی آئی جی علی ناصر رضوی پی ٹی آئی کارکنوں کے پتھراؤ سے زخمی ہوئے تھے، سروسز ہسپتال میں علی ناصر رضوی کی آنکھ کا آپریشن کیا گیا تھا۔
ذرائع کے مطابق وزیر اعظم شہباز شریف آج جناح ہاؤس کا دورہ کریں گے۔
وزیرِ اعظم شہباز شریف کے ہمراہ نگران وزیر اعلیٰ محسن نقوی بھی ہوں گے، وزیرِ اعظم پاکستان عسکری قیادت سے اظہار یکجہتی کریں گے۔
اس کے علاوہ وزیر اعظم شہباز شریف اور نگران وزیر اعلیٰ پنجاب محسن نقوی سیف سٹی آفس میں اجلاس کی صدرات بھی کریں گے۔
ذرائع کے مطابق اجلاس میں صوبے کے امن سے متعلق وزیر اعظم اور نگراں وزیر اعلیٰ کو بریفنگ دی جائے گی، صوبے میں امن و امان قائم رکھنے کے لیے اہم فیصلے کیے جائیں گے۔