کراچی : شہریوں کے تشدد سے 2 مبینہ ڈاکو ہلاک، ایک زخمی

کراچی : (ویب ڈیسک) کراچی کے علاقے اورنگی ٹاؤن میں شہریوں کے تشدد سے 2 مبینہ ڈاکو ہلاک جبکہ ایک زخمی ہوا ہے ۔
کراچی کے علاقے اورنگی ٹاؤن میں تین مبینہ ڈاکو شہریوں کے ہتھے چڑھ گئے، ملزمان شہریوں سے لوٹ مار کر رہے تھے ۔
پولیس کے مطابق تینوں ڈاکوؤں کو عوام نے قابو کر لیا تھا جنہیں تشدد کا نشانہ بنایا گیا اور تینوں شدید زخمی ہو گئے۔
پولیس کاکہنا ہے کہ تشدد سے زخمی ڈاکوؤں کو ہسپتال منتقل کیا گیا تاہم 2 ڈاکو دوران علاج ہلاک ہو گیا ، ملزمان سے چھینی گئی موٹر سائیکل بھی برآمد کی گئی ہے ۔
پولیس کے مطابق ہلاک ڈاکوؤں نے ایک روز قبل کریانہ سٹور پر ڈکیتی کے دوران ایک شخص کو قتل کیا تھا جبکہ کچھ دیر قبل شادی ہال کے باہر سے موٹرسائیکل بھی چھینی تھی۔