انگلش پریمیئرلیگ : مانچسٹر سٹی اور لیورپول نے اپنے میچز جیت لئے

لندن: (ویب ڈیسک) انگلش پریمیئر لیگ میں دفاعی چیمپئن مانچسٹر سٹی اور لیورپول کی ٹیموں نے اپنے اپنے میچز جیت لئے ۔
اتحاد سٹیڈیم، مانچسٹر میں کھیلے گئے میچ میں مانچسٹر سٹی نے شاندار کھیل پیش کرتے ہوئے ویسٹ ہیم یونائیٹڈ کی ٹیم باآسانی 0-3 گول سے ہرا دیا۔
دفاعی چیمپئن مانچسٹرسٹی کی طرف سے ناتھن آکےنے 50 ویں ،ایرلنگ ہالینڈ نے 70 ویں اورفل فوڈن85 ویں منٹ میں ایک ایک گول سکور کر اپنی ٹیم کی فتح میں اہم کردار ادا کیا ، اس فتح کے بعد مانچسٹر سٹی نے دوبارہ آرسنل سے پہلی پوزیشن چھین لی ہے۔
اینفیلڈ، لیورپول میں کھیلے گئے ایک اور میچ میں لیور پول کی ٹیم نے فلہم کی ٹیم کو سخت مقابلے کے بعد 0-1 گول سے ہرا دیا، لیورپول کی طرف سے واحد گول محمد صلاح نے 39 ویں منٹ میں پنالٹی شوٹ پر سکور کر کے اپنی ٹیم کو فتح دلائی ۔