پری نیتی اور راگھو چڈھا کی منگنی کی تاریخ سامنے آگئی

ممبئی: (ویب ڈیسک) بالی ووڈ اداکارہ پری نیتی چوپڑا اور عام آدمی پارٹی کے رکن اور بھارتی راجہ سبھا کے کم عمر ترین رکن راگھو چڈھا کی منگنی کی تاریخ سامنے آ گئی۔
آج کل بالی ووڈ اداکارہ پری نیتی چوپڑا کی راگھو چڈھا سے جلد شادی ہونے کی افواہیں میڈیا کی زینت بنی ہوئی ہیں تاہم اب دونوں کی منگنی کی تاریخ کے حوالے سے دعویٰ کیا جارہا ہے۔
بھارتی میڈیا رپورٹس کے مطابق 10 اپریل کو پری نیتی اور راگھو چڈھا کی منگنی ہونے کا امکان ہے۔
رپورٹس میں کہا گیا ہے کہ 10 اپریل کو پری نیتی اور راگھو نئی دہلی میں ایک نجی تقریب میں منگنی کرکے اپنے رشتے کا باضابطہ طور پر اعلان کریں گے۔
یاد رہے کہ راگھو چڈھا اور پری نیتی چوپڑا پرانے دوست ہیں، دونوں نے لندن سکول آف اکنامکس میں ایک ساتھ تعلیم بھی حاصل کی، اب سب کو ان دونوں کے رشتے کے باضابطہ اعلان کا انتظار ہے۔
دونوں کو گزشتہ دنوں کئی بار ایک ساتھ ہوٹل میں بھی دیکھا گیا جس کی ویڈیوز سوشل میڈیا پر وائرل ہوئی تھیں، جبکہ شادی کے حوالے سے پری نیتی چوپڑا اور راگھو چڈھا نے اب تک کوئی لب کشائی نہیں کی۔