تازہ تر ین

موسیقی کے بے تاج بادشاہ عاطف اسلم 40 برس کے ہوگئے

لاہور: (ویب ڈیسک) اپنی سحر انگیز آواز سے کروڑوں لوگوں کو دیوانہ بنانے والے پاکستانی گلوکارعاطف اسلم 40 برس کے ہوگئے۔
اپنی سریلی اور سحرانگیز آواز سے لاکھوں پرستاروں کے دلوں پر راج کرنے والے عاطف اسلم 12 مارچ 1983 کو وزیر آباد میں پیدا ہوئے اور 1995 میں عاطف اسلم اپنے والد کے ساتھ لاہور منتقل ہوگئے۔
عاطف اسلم کو کالج کے زمانے میں گائیکی کا شوق پیدا ہوا اور انہوں نے 2004 میں جل بینڈ سے گلوکاری کی دنیا میں باقاعدہ قدم رکھ دیا، گانے ’عادت‘ کے ذریعے موسیقی کا آغاز کیا، جل پری کے عنوان سے ان کی پہلی البم نے انہیں صف اول کے گلوکاروں میں لا کھڑا کیا۔
ان کے مشہور گانوں میں تیرے بن، تیرے لئے، دل نہ جانے کیوں، تیرا ہونے لگا ہوں، تُو جانے نہ، دل دیاں گلاں شامل ہیں۔
عاطف اسلم کی قوالی تاجدار حرم نے بھی مقبولیت کے کئی ریکارڈز قائم کئے۔
گلوکاری کے میدان میں متعدد ایوارڈ حاصل کرنے کے بعد عاطف اسلم نے اپنے کیریئر میں اداکاری کے جوہر بھی دکھائے، 2011 میں پہلی بار عاطف نے پاکستانی فلم ”بول“ میں کام کیا۔
عاطف اسلم نے جہاں ملک میں اپنی پہچان بنائی وہیں سرحدوں کی حدود سے آگے نکل کر بھارت اور یورپی ممالک سمیت دنیا بھر میں پاکستان کا نام روشن کیا۔



خاص خبریں



سائنس اور ٹیکنالوجی



تازہ ترین ویڈیوز



HEAD OFFICE
Khabrain Tower
12 Lawrance Road Lahore
Pakistan

Channel Five Pakistan© 2015.
© 2015, CHANNEL FIVE PAKISTAN | All rights of the publication are reserved by channelfivepakistan.tv