سقوط ڈھاکا پر مبنی فلم ’’ ہوئے تم اجنبی ‘‘عید الفطر پر ریلیزہو گی

لاہور : (ویب ڈیسک) سقوط ڈھاکا کے پس منظر میں بننے والی فلم ’’ ہوئے تم اجنبی ‘‘عید الفطر پر ریلیز کی جائے گی، فلم کی کاسٹ میں اداکار میکال ذوالفقار، سعدیہ خان، ثمینہ پیرزادہ اور شفقت چیمہ سمیت دیگر اداکار شامل ہیں۔
میگا کاسٹ پر مبنی فلم ’’ ہوئے تم اجنبی ‘‘ کی کہانی معروف اینکر و ہدایت کار اور اداکار شاہد کے صاحبزادے کامران شاہد نے تحریر کی ہے اور انہوں نے ہی فلم کی ہدایات دی ہیں، فلم سقوط ڈھاکا کے پس منظر میں بننے والی دوسری اردو فلم ہوگی جبکہ فلم میں سقوط ڈھاکا کے وقت ہونے والی جنگ کے مناظربھی دکھائے گئے ہیں۔
فلم کا ٹریلر ریلیز کر دیا گیا ہے جس میں میکال ذوالفقار اور سعدیہ خان کو ایک دوسرے سے محبت کرتے اور بعد ازاں جنگ لگنے کے بعد ایک دوسرے سے الگ ہوتے ہوئے دکھایا گیا ہے۔
فلم میں 9 گانے شامل کئے گئے ہیں جبکہ ٹائٹل سانگ علی ظفر کی آواز میں ریکارڈ کیا گیا ہے جو معروف شاعر عباس تابش نے لکھا ہے ۔
فلم کو عیدالفطر پر ملک کے تمام سینما گھروں میں نمائش کیلئے پیش کیا جا ئے گا۔