مصروف وُڈ پیکر پرندے نے گھرکی دیوار میں 300 سوکلوگرام پھل ذخیرہ کردیئے

کیلیفورنیا: (ویب ڈیسک) کیلیفورنیا میں ایک دلچسپ واقعہ اس وقت پیش آیا جب مکان کی صفائی کرنے والی ایک کمپنی نے مکان کی دیواروں میں سوراخ کرکے چھپائے گئے شاہِ بلوط کے ایک دو نہیں بلکہ 300 کلوگرام وزنی پھل جمع کئے اور انہیں بڑی مشکل سے نکالا گیا ہے۔
مصروف لیکن لالچی وڈپیکر نے قرب و جوار سے شاہِ بلوط کے پھل (اکورن) لالاکر جمع کئے اور ایک مکان کی لکڑی کی دیواروں میں سوراخ کرکے ان میں بھرتا چلا گیا۔ اس طرح تمام پھلوں کا وزن 700 پاؤنڈ تک جا پہنچا۔ لیکن اندازہ ہے کہ اس عرصے میں 20 سال لگے ہیں اور اس میں ایک سے زائد وُڈپیکر نے اپنا کردار ادا کیا ہے۔
گزشتہ ہفتے کیلیفورنیا کے ایک خاندان نے پیسٹ کنٹرول کمپنی کے نمائیندوں کو بلاکر کہا کہ پرندوں نے گھر کی دیواروں میں جابجا سوراخ کرکے اس میں خشک پھل بھردیئے ہیں۔ یہاں تک کہ تمام سوراخ بھرگئے اور پھل پھسل کر گھر کے اندر اور باہر گرنے لگے۔
ماہرین نے دیکھا کہ وڈپیکر نے اپنی تیز چونچ سے دیوار کو جابجا چھید دیا تھا۔ اس کے باوجود سوراخوں کو پھل سے بھرنے کا سلسلہ جاری تھا۔ جب اندر سے صفائی کی گئی تو شاہِ بلوط کے پھل کے ڈھیر لگ گئے اور وزن 313 کلوگرام تک جاپہنچا۔ اس طرح پھلوں کے ڈھیر کو آٹھ بوریوں میں بھرکر باہر نکالا گیا۔
گھر کے مالکان نے بتایا کہ وڈپیکر تھکتا نہیں اور بار بار پھل لاکر جمع کرتا رہتا ہے۔ گلہریوں کی طرح وڈپیکر بھی سردیوں کے لیے اپنی خوراک جمع رکھتے ہیں اور بعد میں اسے کھاتے رہتے ہیں۔