نئے سال کی آمد: کراچی میں 2 دن کیلئے ڈبل سواری پر پابندی عائد

کراچی: (ویب ڈیسک) شہر قائد کراچی میں نئے سال کی آمد کے سلسلے میں 2 دن کے لئے ڈبل سواری پر پابندی عائد کردی گئی۔
نئے سال کی آمد کے موقع پر کراچی میں دو دن کیلئے ڈبل سواری پرپابندی عائد کردی گئی ہے اور اس حوالے سے نوٹیفکیشن بھی جاری کردیا گیا ہے۔
نوٹیفکیشن کے مطابق کسی بھی ناخوشگوار واقعے کے پیش نظر کراچی ڈویژن میں دو دن کیلئے ڈبل سواری پر پابندی عائد کی گئی ہے اور یہ پابندی دفعہ 144 کے تحت لگائی گئی ہے۔
نوٹیفکیشن میں کہا گیا ہے کہ نئے سال کی آمد کے موقع پر فائرکریکرز، ہوائی فائرنگ اور اسلحے کی نمائش پر بھی پابندی ہو گی، ڈپٹی کمشنرز کو خلاف ورزی پر کارروائی کی ہدایت کر دی گئی ہے۔