رونالڈو کا النصر کلب کے ساتھ 2 سالہ معاہدہ طے :سعودی میڈیا

ریاض: (ویب ڈیسک) دنیا کے معروف فٹبالر اور پرتگال فٹبال ٹیم کے کھلاڑی کرسٹیانو رونالڈو نے سعودی عرب کے فٹبال کلب النصر کے ساتھ دو سال کا معاہدہ کرلیا۔
سعودی سرکاری میڈیا کے مطابق پرتگال کے سپر سٹار کرسٹیانو رونالڈو نے مبینہ طور پر سعودی عرب کے کلب النصر کے ساتھ دو سالہ معاہدے پر دستخط کر لئے ہیں۔
دوسری جانب بعض میڈیا رپورٹس میں دعویٰ کیا جا رہا ہے کہ سعودی کلب النصر رونالڈو کو ہر سال ساڑھے 7 کروڑ ڈالر دے گا۔
رپورٹس کے مطابق کرسٹیانو رونالڈو اس سے قبل مانچسٹر یونائیٹڈ کی طرف سے کھیلا کرتے تھے ، تاہم قطر میں ہونے والی فیفا ورلڈ کپ سے چند دن پہلے ہی انہوں نے مانچسٹر یونائیٹڈ کے ساتھ اپنا پرانا تعلق ختم کر لیا تھا۔