فلپائن : سیلاب اور لینڈ سلائیڈنگ سے 44 افراد ہلاک، درجنوں لاپتہ

منیلا: (ویب ڈیسک) فلپائن میں سیلاب اور پہاڑی تودنے گرنے سے 44 افراد ہلاک، متعدد زخمی اور درجنوں لاپتہ ہوگئے۔
غیر ملکی میڈیا کی رپورٹ کے مطابق فلپائن میں جاری بارشوں کے باعث سیلابی صورتحال اور لینڈ سلائیڈنگ کے واقعات میں 44 افراد ہلاک اور درجنوں زخمی ہوچکے ہیں۔
رپورٹ کے مطابق حالیہ بارشوں سے جنوبی جزائر زد میں ہیں، قصبہ کلیرین میں تباہی آگئی جہاں کئی مکانات گرگئے، شاہراہیں تالاب بنی ہیں۔
سیلابی صورتحال کے باعث مقامی آبادی کا انخلاء کردیا گیا ہے۔ حکام نے خدشہ ظاہر کیا ہے کہ دریاؤں میں مزید طغیانی آسکتی ہے، سیلاب اور منہ زور ہوسکتا ہے۔