انٹرنیٹ پر میمس اور کرپٹوکوئن کی صورت میں مشہور ہونیوالا کتا کینسر میں مبتلا

ٹوکیو: (ویب ڈیسک) مسلسل دس برس تک میمس اور انٹرنیٹ ویڈیو میں مشہور رہنے والے کتے کابوسو کے متعلق ایک بری خبر یہ ہے کہ اسے کینسر ہوگیا ہے اور جگر کے مرض کا شکار ہے۔
کابوسو واحد کتا ہے جس کی میم دنیا بھر میں مشہور ہوئیں اور ڈیجیٹل کلچر میں بہت مقبول رہا۔ کرسمس والے دن 17 سالہ کتے نے کھانا پینا چھوڑ دیا کیونکہ اسے دائمی لمفوما لیوکیمیا لاحق ہے۔ یہ کتا شائبو اینو نسل سے تعلق رکھتا ہے اور اس کے مالک کا نام اٹسوکو ساٹو ہے جو جاپان کے شہر سکورا میں اسکول ٹیچر ہے۔
تاہم اب کابوسو نے کچھ کھانا شروع کر دیا ہے۔ یہ ایک کتیا ہے جسے سال 2010 میں اس وقت سے شہرت ملی جب اس کے ایک تصویر ریڈِٹ سے لے کر دیگر پلیٹ فارم پر بہت مشہور ہوئی جس میں وہ اپنے چہرے پر سوالیہ نشان بنائے دکھائی دے رہی ہے۔ یہ پہلا موقع تھا کہ وہ دنیا بھر میں مشہور ہوگئی۔
اس کے بعد اس کا فوٹوشاپ شدہ چہرہ کئی اشیا پر دیکھا گیا جن میں پیسٹری اور عمارتیں تک شامل ہیں اور اسٹاک ہوم ٹرین اسٹیشن پر بھی اس کی تصاویر نمایاں رہیں۔ پھر 2013 میں ڈاج یا ڈاگ کوئن کے نام سے کرپٹو کرنسی جاری کی گئی جو اگلے برس 400 ڈالر فی یونٹ تک جا پہنچی۔
لیکن سب سے حیرت انگیز خبر یہ آئی کہ کابوسو کا ایک این ایف ٹی 2021 میں کروڑوں روپوں میں فروخت ہوا تھا۔
اس کے بعد ایلون مسک بھی اس کے مداح ہوگئے اور سب سے بڑھ کر برطانیہ کے واٹفورڈ فٹ بال کلب کے لباس پر بھی کابوسو کی تصویر دیکھی گئی۔ تاہم اب یہ مشہور جانور اداکار موت کے دہانے پر پہنچ چکا ہے۔
سیٹو کے مطابق اسے یرقان ہوگیا ہے اور اینٹی بایوٹکس ادویہ دی جارہی ہے تاہم دنیا بھر سے مداح نے اس کے لیے نیک خواہشات کا اظہار کیا ہے۔