دھند کے باعث موٹر وےمختلف مقامات پر ٹریفک کیلئے بند 

لاہور: (ویب ڈیسک) دھند کے باعث موٹر وے کومختلف مقامات سے ٹریفک کیلئے بند کر دیا گیا ۔
ترجمان موٹر وے پولیس سید عمران احمد کے مطابق لاہور ملتان موتر وے کو فیض پور سے درخانہ جبکہ ایم فور کو گوجرہ سے عبدالحکیم تک دھند کے باعث بند کر دیا گیا ۔
ترجمان موٹر وے پولیس کے مطابق موٹر ویز کو عوام کی حفاظت اور محفوظ سفر یقینی بنانے کیلئے بند کیا جاتا ہے ۔ روڈ یوزرز بھی گاڑیوں کے آگے اور پیچھے دھند والی لائٹیں استعمال کریں ،غیر ضروری سفر سے اجتناب کریں ، تیز رفتاری سے پرہیز اور اگلی گاڑی سے مناسب فاصلہ رکھیں ۔
ترجمان موٹر وے پولیس کے مطابق روڈ یوزرز معلومات اور مدد کیلئے ہیلپ لائن 130 سے رابطہ کریں ، موٹر وے پولیس کی ہمسفر ایپ سے بھی معلومات لی جا سکتی ہیں ۔