گرم ترین ملک کویت میں ژالہ باری، شہری سڑکوں پر نکل آئے

کویت سٹی: (ویب ڈیسک) کرہ ارض پر گرم ترین ممالک میں سے ایک کویت میں ژالہ باری ہوئی جس سے محظوظ ہونے کے لئے عوام گھروں سے باہر نکل آئے ۔
سوشل میڈیا پر موسم سرما کی ژالہ باری کی تصاویر وائرل ہو گئیں ، تصاویر میں دیکھا جا سکتا ہے کہ کویت کی جنوبی سڑکیں اولوں اور برف میں چھپ گئی ہیں۔
موسم کو انجوائے کرنے کیلئے لوگ گھروں سے باہر نکل آئے ، محکمہ موسمیات کے مطابق 63 ملی میٹر تک بارش ہو چکی ہے مگر موسم صاف ہے ۔
خیال ہے کہ سال 2016 میں کویت کا درجہ حرارت 54 ڈگری سینٹی گریڈ تک پہنچ گیا تھا۔
یاد رہے کہ سائنسدانوں نے پیشگوئی کی ہے کہ موسمیاتی تبدیلیوں کے باعث مستقبل میں یہاں کے حالات زندگی گزارنے کے قابل نہیں ہونگے ۔