پاکستان کی سب سے بڑی ٹیک کانفرنس و نمائشFUTURE FEST،ڈی سی او،اور انویسٹ سعودی کے تعاون سے 6تا8جنوری2023 تک لاہور میں معروف سعودی کمپنیوں اور سرمایہ کاروں کی میزبانی کرے گی

لاہور: (ویب ڈیسک) پاکستان کی سب سے بڑی ٹیک کانفرنس و نمائش،لاہور ایکسپو سینٹر مین6تا8جنوری2023تک منعقد ہورہی ہے۔اس برس کانفرنس میں سعودی اسٹارٹ اپس اور وینچر کیپیٹلسٹ کا ایک تاریخی وفد بھی شرکت کررہا ہے،جو پاکستانی کمپنیوں اور اہم اسٹیک ہولڈرز کے ساتھ سرمایہ کاری،شراکت داری،ایکیوزیشنز اور ہنر مندوں کی بھرتیوں کیلئے ملاقات کرے گا۔اس وفد کی آمد اور پاکستان کے مستقبل میں دلچسپی درحقیقت پاکستان کی معیشت کیلئے انتہائی بروقت ہے۔
Future Fest / Ejad Labsکے سی ای او آرزش اعظم کا کہنا ہے کہ”سعودی ٹیک ایکو سسٹم بہت تیزی سے ترقی کررہا ہے،پاکستان میں ہمارے پاس ٹیلنٹ اور اسٹارٹ اپس موجود ہیں،جو اس ترقی میں مدد کرسکتے ہیں۔Future Festمیں ہمیں اس شراکت داری کیلئے متحرک ہونے اورزیادہ سے زیادہ تعاون و ترقی کیلئے ایک پلیٹ فارم مہیا کرنے پر فخر ہے،اور یہ درحقیقت پاکستان اور سعودی عرب کے درمیان پہلے سے موجود دیرینہ تعلقات کی ایک نئی جہت ہے۔“
سعودی اسٹارٹ اپس اور وینچر کیپیٹلسٹ کے وفد میں Unifonic, Noon, Salasa, Mozn, Qoyod, [atm], Nana, AZM, Elm, AlGooru, Hala, Salla, Moyasar, Classera, Squadio, Nama Ventures, Merak Capital, Misk Foundation, Tracking.me, Diggipacks, Khwarizmi Ventures, Derayah Financial, ILSA Interactive, Takadao اور ڈیجیٹل پارٹنرز،ڈیجیٹل کو آپریشن آرگنائزیشن(ڈی سی او)اور انویسٹ سعودی کے سینئر نمائندے شامل ہوں گے۔
ڈیجیٹل کو آپریشن آرگنائزیشن(ڈی سی او) کے سیکریٹری جنرلDeemah AlYahyaنے اس حوالے سے کہا کہ”جدت اور ٹیکنالوجی سے چلنے والی ڈیجیٹل معیشتوں نے حالیہ دنوں میں انتہائی تیزی سے ترقی کی ہے،جو ان ہمارے معاشرے میں ریڑھ کی ہڈی کا کردار ادا کررہی ہے۔ڈیجیٹل کو آپریشن آرگنائزیشن نوجوانوں،خواتین اور کاروباری افراد کو با اختیار بنا کر سب کیلئے ڈیجیٹل خوشحالی کے حصول پر کثیر الجہتی توجہ مرکوز کرتے ہوئے،اقتصادی ترقی و سماجی خوشحالی کے فروغ کیلئے ڈیجیٹل معیشت کی تیز رفتار طاقت کا فائدہ اٹھا رہی ہے۔اسلامی جمہوریہ پاکستان،ڈی سی او کی بانی رکن ریاست ہے،اور اس کی دانشمندانہ قیادت کے ساتھ،اور Future Festکو فعال کرنے جیسے مواقع کے ذریعہ،ہم ڈی سی او میں اپنے پہلے سے مضبوط تعلقات کو اور مضبوط کررہے ہیں،جو ہم سب کیلئے خوشحال لے کر آئیگا۔“
پنجاب کی صوبائی حکومت نے اس تین روزہ ایونٹ کیلئے محفوظ مقامی کی فراہمی کے ساتھFuture Festسے تعاون کیا ہے۔اس سیقبل Ejad Labs کے سی ای او آرزش اعظم اورپی آئی ٹی بی کے ڈائریکٹر جنرل ای گورنمنٹ ساجد لطیف کے درمیان ایک ایم او یو کے ذریعہ پنجاب انفارمیشن ٹیکنالوجی بورڈ(پی آئی ٹی بی)Future Fest 2023کا آفیشل پارٹنر بن گیا ہے۔اس موقع پر پنجاب کے وزیر آئی ٹی ڈاکٹر ارسلان خالد،پی آئی ٹی بی کے ڈائریکٹر کمیو نیکیشن اینڈ کو آرڈینیشن(سی اینڈ سی) ونگ،اور جوائنٹ ڈائریکٹر فری لانسنگ ونگ احمد اسلام سیان بھی موجود تھے۔وزیر اعلیٰ پنجاب کے مشیر برائے داخلہ،جیل خانہ جات و اطلاعات عمر سرفراز چیمہ اور صوبائی وزیر صنعت و تجارت و سرمایہ کاری میاں اسلم اقبال نے بھی Future Fest 2023کیلئے اپنے بھرپور تعاون کی یقین دہانی کرائی ہے۔
ایک معروف ایجوکیشن ٹیک اسٹارٹ اپ AlGooruکے بانی و سی ای او خالد ابو قاسم کا کہنا ہے کہ ”پاکستان95ملین سے زائد طلباء اور نجی تعلیم کی شدید خواہش رکھنے والوں کی تعداد کے ساتھ،عالمی ایجو کیشن ٹیک کمپنیوں کیلئے ایک مطلوبہ مرکرز بننے جارہا ہے،اورہم بھی
Future Fest 2023میں شرکت کے زریعہ وہاں توسیع کے مواقعوں کی تلاش کے حوالے سے انتہائی پرجوش ہیں۔“
پاکستان کے مستقبل کی راہ ہموار کرنے کیلئے،ٹیکنالوجی کے استعمال کیلئے وقف Future Fest 2023ایک تین روزہ ایونٹ ہے،جہاں 50سے زائد صنعتوں کے رہنما زندگی کے مستقبل پر بات چیت کیلئے موجود ہوں گے۔کاروباری افراد،فیصلہ ساز،پالیسی ساز،ترقی پسند سوچ رکھنے والے،سرمایہ کار، اوراختراع کار موجودہ دور کے اہم ترین پہلوؤں اور #SaveTheFutureمیں ٹیکنالوجی کے مثبت کردار کے حوالے سے تبادلہ خیال کرینگے۔اس سال ایونٹ میں 30سے زائد ممالک سے 50ہزار شرکاء،200نمائش کنندگان،500اسٹارٹ اپس اور 300بین الاقوامی مقررین شریک ہوں گے۔