دہشتگردی پھر سے سر اٹھا رہی ہے ، سپیکر قومی اسمبلی راجہ پرویز اشرف 

سکھر: (ویب ڈیسک) قومی اسمبلی کے سپیکر اور پاکستان پیپلزپارٹی کے سینئر رہنما راجہ پرویز اشرف نے کہا کہ ملک میں دہشتگردی پھر سے سر اٹھا رہی ہے ۔
سپیکر قومی اسمبلی نے کہا کہ محترمہ شہید بے نظیر بھٹو کی شہادت سے بہت نقصان ہوا، بی بی شہید نے ہمیشہ مفاہمت کی سیاست کی تھی، اس وقت ملک میں بھائی چارے کی سیاست کی ضرورت ہے۔ پی ٹی آئی کے پہلے آدمی نے حقائق سے پردہ اٹھایا ہے ، عارف علوی صاحب پر عمران اب کتنا اعتماد کرتے ہیں، اب پتہ چل گیا ہے کہ عمران خان کہاں سے آئے تھے اور سینیٹ انتخاب کس نے جتوایا تھا۔
سپیکر قومی اسمبلی نے کہا کہ سابق حکومت میں انتہا پسندی کی سوچ پروان چڑھی ، دہشتگردی کیخلاف سب کو مل کر چلنا چاہئے ، عدلیہ کے فیصلوں کا خیر مقدم کیا ۔ بینچ پر بینچ بننے سے متعلق ملک میں بحث ضرور چھڑ گئی ہے۔