جیا بگا :کمرے میں گیس بھرنے سے 2 بچے جاں بحق, ایک کی حالت تشویشناک

رائیونڈ: (ویب ڈیسک) جیابگا کے علاقے میں کمرے میں گیس بھرنے سے دم گھٹنے کے باعث دو بچے جاں بحق ہوگئے۔
جاں بحق ہونے والوں میں 3سالہ زینب اور 4سالہ عثمان شامل ہیں پانچ سالہ فاطمہ کی حالت تشویش ناک ہے جسے جناح ہسپتال منتقل کر دیا گیا۔
پولیس ذرائع کے مطابق بچوں کی موت دم گھٹنے کی وجہ سے ہوئی، والدین گھر سے باہر گئے تھے واپس پہنچے تو دو کمسن بہن بھائی دم توڑ چکے تھے۔
رائیونڈ پولیس نے واقعہ کی تحقیقات شروع کردیں۔