پی ٹی آئی اور ق لیگ کا سیٹ ایڈجسٹمنٹ کے حوالے سے مزید مشاورت جاری رکھنے پر اتفاق

لاہور: (ویب ڈیسک) پاکستان تحریک انصاف اور مسلم لیگ ق کے درمیان سیٹ ایڈجسٹمنٹ پرمذاکرات کا تیسرا راؤنڈ ختم ہوگیا۔
تحریک انصاف کی مذاکراتی کمیٹی کے ارکان پرویزالٰہی کی رہائش گاہ پہنچے جہاں وزیراعلیٰ پنجاب، مونس الٰہی اورحسین الٰہی سے ملاقات کی۔
ملاقات میں انتخابی سیٹ ایڈجسٹمنٹ کے حوالے سے تفصیلی مشاورت کی گئی اور حلقوں میں سیٹ ایڈجسٹمنٹ کے حوالے سے غور کیا گیا۔
دونوں جماعتوں نے سیٹ ایڈجسٹمنٹ کے حوالے سے مزید مشاورت جاری رکھنے پر اتفاق کیا۔
اس موقع پر پرویز الٰہی کا کہنا تھاکہ پی ٹی آئی کی مذاکراتی ٹیم سے بات چیت مثبت رہی، ہم مشاورت کے ساتھ آگے بڑھ رہے ہیں۔
پی ٹی آئی رہنما فواد چوہدری کا کہنا تھاکہ پرویزالٰہی کو 187 ایم پی ایز کی حمایت حاصل ہے، عدالت کے فیصلے کے مطابق عملدرآمد کریں گے۔