کراچی: (ویب ڈیسک) کسٹمز نے کراچی ایئرپورٹ پر ڈیڑھ کروڑ روپے مالیت کی منشیات اسمگلنگ ناکام بنا دی ۔
ترجمان کسٹمز کے مطابق کراچی کے جناح انٹرنیشنل ایئرپورٹ پر کسٹمز عملے نے انٹرنیشنل لاونج میں کارروائی کرتے ہوئے دو پاکستانی مسافروں سے 1400گرام منشیات برآمد کر لی ، منشیات کی مالیت ڈیڑھ کروڑ روپے ہے۔
ترجمان کے مطابق مسافر سعودی ایئرلائن کی پرواز ایس وی 705سے جدہ جارہے تھے، ملزمان نے منشیات سوٹ کیسز میں چھپا رکھی تھی۔
گرفتارملزمان کیخلاف کسٹمز اور نارکوٹکس ایکٹ کے تحت مقدمہ درج کرلیا گیا ہے ۔