بھارت: سکول بس حادثے میں 15 طالبات ہلاک

منی پور: (ویب ڈیسک) بھارتی ریاست میں سکول بسوں کو پیش آنے والے ٹریفک حادثے میں کم از کم 15 طالبات ہلاک جبکہ متعدد زخمی ہو گئیں، اموات میں اضافے کا خدشہ ہے۔
بھارتی میڈیا رپورٹس کے مطابق 2 سکول بسیں بچیوں کو سالانہ سیاحتی دورے پر لے کر جا رہی تھیں کہ منی پور کے ضلع نونی میں حادثے کا شکار ہو گئیں، حادثے میں 15 طالبات ہلاک اور متعدد شدید زخمی ہوئیں۔
رپورٹس کے مطابق کئی زخمی طالبات کی حالت تشویشناک بتائی جا رہی ہے جس سے اموات میں اضافے کا خدشہ ظاہر کیا جا رہا ہے، حکام کا کہنا ہے زخمی طالبات کو ہسپتالوں میں طبی امداد فراہم کی جا رہی ہے جبکہ حادثے کی وجوہات جاننے کی کوشش بھی جاری ہے۔