کراچی میں حالات بہتر ہیں، بھتہ خوری بند ہوگئی، بوری بند لاشیں نہیں ملتیں: شرجیل میمن

کراچی: (ویب ڈیسک) صوبائی وزیراطلاعات وٹرانسپورٹ شرجیل میمن کا کہنا ہےکہ وسیم اختر کی باتوں کو سنجیدہ لیتاہی نہیں،کراچی میں حالات بہتر ہیں، بھتہ خوری بند ہوگئی، اب بوری بند لاشیں نہیں ملتیں اور 10 منٹ کی کال پر شہر بند نہیں ہوتا۔
کراچی میں میڈیا سےگفتگو کرتے ہوئے شرجیل میمن کا کہنا تھا کہ ایم کیو ایم سے ہوئی کسی میٹنگ میں وسیم اختر نےکبھی کراچی میں امن کا مسئلہ نہیں اٹھایا،کراچی سب سے بڑا شہر ہے،کراچی میں لاہور اورپشاور سےکم اسٹریٹ کرائم ہے۔
شرجیل میمن کا کہنا تھا کہ ایم کیوایم وفاق میں آج بھی ہماری اتحادی ہے، ان کا کوئی رہنما قیادت سے پوچھ کر پریس کانفرنس کرتا ہے یاخود سےکرتا ہے، بلدیاتی انتخابات کے لیےکرتا ہے یہ ہمیں نہیں معلوم۔
صوبائی وزیرکا کہنا تھا کہ پیپلز پارٹی کسی آڈیو ویڈیو لیکس پر یقین نہیں رکھتی،کسی کی ذاتی زندگی پر تبصرہ نہیں کرسکتا۔