UNHCRکو پاکستان میں سیلاب سے متاثرہ افراد کی امداد کیلئے L’Oréal گروپ کی جانب سے 1ملین یورو موصول

اسلام آباد: (ویب ڈیسک) اقوام متحدہ کے پناہ گزینوں کے ادارے نے پاکستان میں سیلاب سے متاثرہ افراد کے لیے ہنگامی امداد فراہم کرنے کے ساتھ ساتھ کمیونٹی کے بنیادی ڈھانچے،جیسے کہ اسکول،اسپتال اور پناہ گاہوں کی تعمیر نو میں مدد کے لیے دنیا کی معروف بیوٹی کمپنی L’Oréal گروپ کی جانب سے 10لاکھ(ایک ملین)یورو کے عطیہ کے اعلان کا خیرمقدم کیا ہے۔
یہ عطیہ2022میں سیلاب کے تباہ کن اثرات سے متاثرہ پاکستانی عوام،اور خاص کر سندھ، بلوچستان اور خیبر پختونخواہ کے سب سے زیادہ متاثرہ صوبوں میں تقریباً 8.5 ملین لوگوں کے لیے UNHCR کی جانب سے کی جانے والی امداد میں استعمال کیا جائیگا۔ متاثرہ افراد کیلئے کی جانے والی اہم امدادی سرگرمیوں میں ہنگامی بنیادی امدادی اشیاء بشمول کمبل، ہنگامی پناہ گاہ، حفظان صحت کی اشیاء، مچھر دانی اور شمسی توانائی سے چلنے والی لالٹینوں کی فراہمی شامل ہے۔
UNHCR، تحفظاتی سرگرمیوں کی اپنی قیادت میں شراکت داروں کے ساتھ مل کر کام کر رہا ہے تاکہ روک تھام،خطرے میں کمی اور خصوصی کردار کی مدد سے دیگر خدمات کے ذریعہ اہم ضروریات کی نشاندہی اور ان پر توجہ کو یقینی بنایا جاسکے۔یہ گرانٹ صنفی بنیاد پر تشدد اور بچوں کے تحفظ کے خطرات سے نمٹنے کے لیے اقدامات کو تقویت دے گی، تاکہ سب سے زیادہ پسماندہ لوگوں کے لیے محفوظ اور باوقار طریقہ سے
بروقت امداد کو یقینی بنایا جا سکے۔
اس فنڈنگ سے بحالی کے ابتدائی عمل میں بھی مدد ملے گی، جس میں پناہ گزینوں اور ان کی میزبان برادریوں کیلئے آسانیاں پیدا کرنے اور تباہ شدہ عوامی اانفرا اسٹریکچر، جیسے کہ اسکول، صحت اور پانی کی فراہمی کی بحالی شامل ہے۔
پاکستان میں UNHCRکی نمائندہ Noriko Yoshidaنے اس حوالے سے کہا کہ ”L’Oréal گروپ کا تعاون پاکستان کے ساتھ یکجہتی اور ذمہ داری کے اشتراک کے پختہ عزم کو ظاہر کرتا ہے، جو دنیا کے مہاجرین کی سب سے بڑی میزبانی میں سے ایک ہے،یہ تعاون سیلاب سے متاثر ہونے والے خاندانوں کی مدد کرے گا اور انہیں اپنے گھروں، اپنی زندگیوں اور اپنی برادریوں کی تعمیر نو میں مدد کرے گا۔“
L’Oréalکی چیف کارپوریٹ رسپانسبلیٹی افسر اور سی ای او Foundation L’Oréal الیگزینڈرا پالٹ کا کہنا تھا کہ ”جیسے جیسے سیلاب کا پانی کم ہو رہا ہے، ہر گزرتا دن متاثرہ افراد کے لیے مزید مشکلات لا رہا ہے کیونکہ تباہ کن سیلاب سے لوگ بے گھر ہو رہے ہیں اور تباہی بہت بڑی ہے۔L’Oréalکی جانب سے UNHCR کو دی جانے والی فنڈنگ سندھ، بلوچستان اور خیبر پختونخواہ میں بحالی اور انسانی امداد کیلئے خرچ کی جائیگی۔