پنڈی ٹیسٹ کا چوتھا روز: پاکستان کی پہلی اننگز میں بیٹنگ، 8 کھلاڑی آؤٹ

راولپنڈی : (ویب ڈیسک) راولپنڈی ٹیسٹ کے چوتھے روز پاکستان کی انگلینڈ کے خلاف پہلی اننگز میں بیٹنگ جاری ہے۔
چوتھے روز قومی ٹیم کی جانب سے اننگز کا آغاز قومی کھلاڑی آغا سلمان اور زاہد محمود نے 499 نامکمل رنز سے کیا۔
چوتھے روز آغا سلمان63 گیندوں پر 53 رنز کے ساتھ ول جیک کی گیند پر کیچ آؤٹ ہوگئے جبکہ زاہد محمود36 گیندوں پر 5 رنز کے ساتھ پچ پر موجود ہیں۔
انگلینڈ نے پنڈی ٹیسٹ کی پہلی اننگز میں 657 رنز بنائے تھے جس کے جواب میں پاکستان نے گزشتہ روز کے اختتام تک 7 وکٹ کے نقصان پر 499 رنزبنالیے تھے، قومی ٹیم کو اب انگلینڈ کا خسارہ ختم کرنےکےلیے مزید 158 رنزدرکار ہیں۔
انگلینڈ کی جانب سے ہیری بروک نے 153، اولی پوپ نے 108، بین ڈکٹ نے 107 اور ریک کرالی نے 122 رنز کی اننگز کھیلی تھیں جبکہ پاکستان کی جانب سے زاہد محمود نے 4 اور نسیم شاہ نے 3 کھلاڑیوں کو آؤٹ کیا تھا