واٹس ایپ نے خاموشی سے دلچسپ فیچر متعارف کرا دیا

کیلیفورنیا: (ویب ڈیسک) واٹس ایپ نے خاموشی سے ایک دلچسپ فیچر متعارف کرا دیا ہے۔
گروپ چیٹس میں پہلے جب میسج کیا جاتا تھا تو کسی بھی فرد کی پروفائل فوٹو نظر نہیں آتی جس سے اکثر علم نہیں ہوتا تھا کہ کس نے یہ میسج کیا ہے۔
مگر اب واٹس ایپ نے اس حوالے سے ایک نیا فیچر متعارف کرا دیا ہے۔
اب جب بھی کسی گروپ میں لوگوں کی جانب سے میسج بھیجا جائے گا تو ان کی پروفائل فوٹو دیگر اراکین کو نظر آئے گی۔
یہ فیچر موبائل اور ویب ورژن دونوں میں متعارف کرا دیا گیا ہے اور بیشتر افراد کو دستیاب ہے۔
اگر کسی فرد نے اپنی پروفائل فوٹو کو مخصوص افراد تک محدود کیا ہوا ہوگا تو وہ میسج کے ساتھ ظاہر نہیں ہوگی بلکہ ایک ڈیفالٹ فوٹو نظر آئے گی۔
اگر آپ چاہتے ہیں کہ واٹس ایپ گروپس میں آپ کی پروفائل فوٹو شو نہ ہو تو سیٹنگز میں جاکر پرائیویسی اور پھر پروفائل فوٹو کے آپشن میں اپنی مرضی کی سیٹنگ کا انتخاب کرسکتے ہیں۔
اس نئے فیچر پر کچھ عرصے سے کام ہورہا تھا اور اب جاکر اسے تمام صارفین کے لیے متعارف کرایا گیا ہے۔